[一雞兩味] 講隻稿咋，唔好諗多。唔使講你都係留意郭嘉文（定你留意狄波拉咁特別？）。
＂有傳為「小小超」李澤楷女友的前港姐郭嘉文，去年初以1.068億元購入的九龍塘豪宅逸瓏5座頂層單位，就李澤楷愛將、盈大地產（0432）副主席及行政總裁李智康所簽署的臨時買賣合約所見，經紀可「向買方收取港幣0作為佣金」。＂
呢個故事嘅教訓係乜？答「姿色改變命運」唔係錯，但太表面，人人都知，最多畀個C你。
拎A嘅答案係：有錢人一樣孤寒。一億單位嘅佣對楷仔嚟講當然唔係錢，甚至一億個單位都唔係錢—但點解要益你？掉轉頭講都係管牧師有大智慧。「㩒吓價好正常」。幫楷仔做生意喎，仲收錢？你慌今次唔畀佣時第時會待薄你咩—真係待薄你時你咪拎住呢個「李澤楷份佣我都豪畀佢」嘅招牌去呃飯食咯。你見 喻可欣 （我居然諗起佢）不過係畀劉德華上咗都講足幾十年啦。「正如我獎學金畀四叔IN過都講幾十年」（明顯就係打後幾十年一事無成）
又，唔係自大，你有更好嘅答案，唔介意畀個A++你。分數呢啲嘢，同胸一樣，僭建嘅啫。GCSE甚至英國大學都係量化寬鬆，所以你見香港啲廢柴同學去到GCSE都話幾條A。
Search